John 5:29-47

30 οὐ δύναμαιἐγὼ ποιεῖν ἀπ’ ἐμαυτοῦ οὐδέν·
 καθὼς ἀκούω κρίνω, καὶ ἡ κρίσις ἡ
 ἐμὴ δικαία ἐστίν, ὅτι οὐ ζητῶτὸ θέλημα 
τὸ ἐμὸν ἀλλὰ τὸ θέλημα τοῦ πέμψαντός με 
31 ἐὰν ἐγὼ μαρτυρῶ περὶ ἐμαυτοῦ,
 ἡμαρτυρία μου οὐκ ἔστιν ἀληθής·
 32 ἄλλος ἐστὶν ὁ μαρτυρῶν περὶ ἐμοῦ, 
καὶ οἴδατε ὅτι ἀληθής ἐστιν ἡ μαρτυρία
 ἣν μαρτυρεῖ περὶ ἐμοῦ. 33 ὑμεῖς ἀπεστάλκατε 
πρὸς Ἰωάννην, καὶμεμαρτύρηκεν τῇ ἀληθείᾳ· 
34 ἐγὼ δὲ οὐ παρὰ ἀνθρώπου τὴν μαρτυρίαν 
λαμβάνω, ἀλλὰ ταῦτα λέγω ἵνα ὑμεῖς σωθῆτε. 
35 ἐκεῖνος ἦν ὁ λύχνος ὁ καιόμενος καὶ φαίνων, 
ὑμεῖς δὲ ἠθελήσατεἀγαλλιαθῆναι²⁷ πρὸς ὥραν 
ἐν τῷ φωτὶ αὐτοῦ. 36 ἐγὼ δὲ ἔχω τὴν μαρτυρίαν 
μείζω τοῦ Ἰωάννου·τὰ γὰρ ἔργα ἃ δέδωκέν μοι 
ὁ πατὴρ ἵνα τελειώσω²⁸ αὐτά, αὐτὰ τὰ ἔργα ἃ ποιῶ
 μαρτυρεῖ περὶἐμοῦ ὅτι ὁ πατήρ με ἀπέσταλκεν.
 37 καὶ ὁ πέμψας με πατήρ, ἐκεῖνος μεμαρτύρηκεν 
περὶ ἐμοῦ.οὔτε φωνὴν αὐτοῦ πώποτε²⁹ ἀκηκόατε, 
οὔτε εἶδος³⁰ αὐτοῦ ἑωράκατε, 38 καὶ τὸν λόγον 
αὐτοῦοὐκ ἔχετε ἐν ὑμῖν μένοντα, ὅτι ὃν ἀπέστειλεν 
ἐκεῖνος, τούτῳ ὑμεῖς οὐ πιστεύετε. 39 ἐραυνᾶτε τὰς 
γραφάς, ὅτι ὑμεῖς δοκεῖτε ἐν αὐταῖς ζωὴν αἰώνιον ἔχειν· 
καὶ ἐκεῖναί εἰσίν αἱ μαρτυροῦσαι περὶ ἐμοῦ· 40 καὶ οὐ 
θέλετε ἐλθεῖν πρός με ἵνα ζωὴν ἔχητε. 41 δόξαν παρὰ 
ἀνθρώπων οὐλαμβάνω, 42 ἀλλὰ ἔγνωκα ὑμᾶς ὅτι οὐκ 
ἔχετε τὴν ἀγάπην τοῦ θεοῦ ἐν ἑαυτοῖς. 43 ἐγὼ ἐλήλυθαἐν 
τῷ ὀνόματι τοῦ πατρός μου, καὶ οὐ λαμβάνετέ με· ἐὰν 
ἄλλος ἔλθῃ ἐν τῷ ὀνόματι τῷ ἰδίῳ,ἐκεῖνον λήμψεσθε. 
44 πῶς δύνασθε ὑμεῖς πιστεῦσαι, δόξαν παρὰ ἀλλήλων 
λαμβάνοντες, καὶ τὴνδόξαν τὴν παρὰ τοῦ μόνου θεοῦ 
οὐ ζητεῖτε; 45 μὴ δοκεῖτε ὅτι ἐγὼ κατηγορήσω ὑμῶν 
πρὸς τὸνπατέρα· ἔστιν ὁ κατηγορῶν  ὑμῶν Μωϋσῆς, 
εἰς ὃν ὑμεῖς ἠλπίκατε. 46 εἰ γὰρ ἐπιστεύετε Μωϋσεῖ,
ἐπιστεύετε ἂν ἐμοί· περὶ γὰρ ἐμοῦ ἐκεῖνος ἔγραψεν. 
47 εἰ δὲ τοῖς ἐκείνου γράμμασιν οὐπιστεύετε, 
πῶς τοῖς ἐμοῖς ῥήμασιν πιστεύσετε;